ஆந்திரா புளியோதரை

தேவையான பொருள்கள்:


உதிராக வடித்த சாதம் - 2 கப்
புளி ,உப்பு -தேவையான அளவு
பச்சை மிளகாய் -2
கறிவேப்பிலை - சிறிது
மஞ்சள் தூள் - அரை ஸ்பூன்
நல்லெண்ணெய் - 2 ஸ்பூன்
கடுகு - 1 ஸ்பூன்

உளுந்து, கடலைப் பருப்பு - 2 ஸ்பூன்
காய்ந்த மிளகாய் - 4
பெருங்காயம் - அரை ஸ்பூன்.

செய்முறை:



சாதம் சூடாக இருக்கும்போதே அதை குவித்தாற்போல வைத்து நடுவில் குழிவாக்குங்கள். அதில் கீறிய பச்சை மிளகாய் கறிவேப்பிலை, மஞ்சள் தூள், 1 டேபிள் ஸ்பூன் நல்லெண்ணெய் ஆகியவற்றைப் போட்டு மூடி வையுங்கள். புளியை ஒரு கப் தண்ணீரில் கரைத்து வையுங்கள்.

மீதமுள்ள எண்ணெயில் 1 டீஸ்பூன் கடுகு, உளுந்து, கடலைப் பருப்பு, மிளகாய் வற்றல், பெருங்காயம் ஆகியவற்றை சிவக்க வறுத்து, புளி கரைசலை ஊற்றி, உப்பு சேர்த்து பச்சை வாடை போக கொதிக்க வையுங்கள். சாதத்தில் புளி கலவை, சேர்த்துக் கிளறுங்கள்.

பிஸி பேளே பாத்

தேவையான பொருள்கள்


அரிசி - 2 கப்
துவரம் பருப்பு - 1/2 கப்
பச்சை க. பருப்பு -21/2தே.கரண்டி
உளுத்தம் பருப்பு -1 தே. கரண்டி
வெந்தயம் - 1/4 தே.கரண்டி
பட்டை - 1 துண்டு
கிராம்பு - 2 - 3
மல்லி - 2 தே.கரண்டி
காய்ந்த மிளகாய் - 6 - 8
எண்ணெய் - 2 தே.கரண்டி
பெருங்காயம் - 1 துண்டு
தேங்காய் துருவல் -3/4தே.கரண்டி
புளி -எலுமிச்சை அளவு
கடுகு -3/4தே\.கரண்டி
உளுத்தம் பருப்பு -1/4 தே.கரண்டி
பீன்ஸ் - 1/2 கி.
உருளைக்கிழங்கு - 2
உப்பு - 3 தே.கரண்டி

மசாலாப் பொடி:

பச்சைக் கடலைப்பருப்பு, உளுத்தம் பருப்பு, வெந்தயம், பட்டை, கிராம்பு, மல்லி, மிளகாய், பெருங்காயம் ஆகியவற்றை எண்ணெயில் வறுத்தெடுக்கவும்.
தேங்காய்த் துருவலுடன் இவற்றையும் சேர்த்து அரைத்தெடுக்கவும்.


செய்முறை


துவரம் பருப்பை, வேண்டிய அளவு நீர் சேர்த்து வேக வைக்கவும். பாதி வெந்தவுடன் காய்கறிகளையும், பாதியளவு மசாலாவும், உப்பு, கரைத்த புளிநீர் ஆகியவற்றைச் சேர்க்கவும்.
காய்கள் பாதி வெந்தவுடன் அரிசியையும் சேர்த்து, வேக வைக்கவும்.


மசாலாவையும் சேர்த்து, நன்றாகக் கலக்கவும். சிறிது நேரம் ஆனவுடன் கடுகு சேர்த்துத் தாளித்தெடுக்கவும்.

சில்லி சிக்கன்

தேவையான பொருள்கள் சிக்கன் - 500 கிராம் மிளகாய் அரைத்தது - ஒரு டிஸ்பூன் வினிகர் - ஒரு டிஸ்பூன் பூண்டு தோல் உரித்தது - 10 பற்கள் பச்சை மிளகாய் - 4 எண்ணெய் - 100 கிராம் உப்பு - தேவையான அளவு செய்முறை கோழி இறைச்சியை நன்றாக சுத்தம் செய்து கொள்ளவும். சுத்தம் செய்து வைத்த கோழி இறைச்சித் துண்டுகளைப் போட்டு அவற்றுடன் மிளகாய் விழுது உப்புத்தூள் வினிகர் ஆகியவற்றைச் சேர்த்து நன்றாக கிளறிக் கொள்ளவும். பச்சை மிளகாய் பூண்டு இரண்டையும் சேர்த்து மை போல அரைத்து கோழி இறைச்சி கலவையுடன் சேர்த்துக் கலக்கவும். இவை அனைத்தையும் ஒன்றாக கலந்து அரைமணி நேரம் ஊரவைக்கவும். வானலியில் எண்ணெய் வி்ட்டு காய வைக்கவும் எண்ணெய் நன்றாகக் காய்ந்ததும் மிளகாய் கலவையுடன் ஊரவைத்திருக்கும் கோழிக்கறியை போட்டு நன்றாக கிளரவும் அடுப்புத் தீயை குறைவாக எரிய விட்டு வானலியை மூடி வைக்கவும் கோழி இறைச்சித் துண்டுகள் வெந்ததும் திறந்து கிழறி விடவும் கலவையுடன் சேர்த்து நன்றாக வெந்து சுருண்டு வரும்போது இறக்கவும். பிரியாணியுடன் சேர்த்து சாப்பிடுவதற்கு மிகவும் சுவையாக இருக்கும்

வெண்டைக்காய் பக்கோடா

தேவையான பொருட்கள்: வெண்டைக்காய் - 1/4 கிலோ புளி - தேவையான அளவு மஞ்சள்தூள் - 1/4 டீஸ்பூன் உப்பு - தேவையான அளவு காய்ந்த ரொட்டித்தூள் - 1/2 கப் கடலை மாவு - 1/2 கப் அரிசி மாவு - 1/4 கப் மிளகாய்ப் பொடி - 1/2 டீஸ்பூன் தனியா பொடி - 1 டீஸ்பூன் சமையல் சோடா - தேவையான அளவு செய்முறை: வெண்டைக்காயின் காம்பு பாகத்தையும் தலைப்பாகத்தையும் வெட்டி எடுக்கவும். ஒரு கிண்ணதில் நீர்க்கக் கரித புளித் தண்ணீரோடு உப்பு, மஞ்சள்தூள் போட்டு சூடாக்கவும். பின் அதில் வெண்டைக்காயை போட்டு ஐந்து நிமிடம் கொதிக்க வைக்கவும். ஐந்து நிமிடம் கழித்து தண்ணீரை முழுவதும் வடித்து ஆற வைக்க வேண்டும். பின் கடலை மாவு,அரிசி மாவு,மிளகாய்ப் பொடி,தனியா பொடி, சமையல் சோடா,உப்பு போன்றவற்றுடன் தண்ணீர் சேர்த்து பஜ்ஜி மாவு போல கரைக்கவும். வெண்டைக்காயை இந்த மாவில் தேய்த்து பிரட் தூளில் புரட்டி எடுத்து எண்ணையில் போட்டு பொரித்தெடுக்கவும். சூடான வெண்டைக்காய் பக்கோடா ரெடி